նախընտրելի դարձնելԱՄՆ նախագահ Դոնալդ Թրամփը հայտարարել է, որ «վատ է զգում» իրեն իր նախկին խորհրդական Մայքլ Ֆլինի շուրջ ստեղծված իրավիճակի կապակցությամբ, հաղորդում է AP-ն:
«Ես կարծում եմ, որ սա խայտառակություն է, եւ շատ անարդար է», - ասել է նա:
Թրամփը համեմատել է Ֆլինի հանդեպ վերաբերմունքը Հիլարի Քլինթոնի հանդեպ վերաբերմունքի հետ, «որը նույնպես բազմիցս ստել է ՀԴԲ-ին եւ ոչինչ չի պատահել»: «Ֆլինը ստեց եւ նրանք խորտակեցին նրա կյանքը», - ասել է Թրամփը:
Ուրբաթ՝ դեկտեմբերի 1-ին, Ֆլինը մեղավոր է ճանաչել իրեն ՀԴԲ-ին ստելու մեջ եւ համաձայնել է համագործակցել հատուկ դատախազ Ռոբերտ Մյուլերի հետ 2016 ընտրություններում Ռուսաստանի միջամտության վերաբերյալ հետաքննության գործով: Մայիսին Թրամփը Քոմիին ՀԴԲ-ի տնօրենի պաշտոնից ազատել էր:
Թրամփը երբեք Քոմիին չի խնդրել Ֆլինի դեմ հետաքննությունը դադարեցնել
Ֆլինը պնդում է, որ ռուսական կողմի հետ բանակցություններ է վարել Թրամփի կարգադրությամբ
