նախընտրելի դարձնելԳՁՕ-ների գործածության օրենսդրական կարգավորումները պետք է իրականացնել առաջնորդվելով «նախազգուշավորության սկզբունքով»` հաշվի առնելով, որ գիտությունը դեռեւս չի ապացուցել դրանց անվտանգությունը, ինչը ենթադրում է, որ անհրաժեշտ է արգելել ԳՁՕ-ների կիրառումը: Այս մասին որոշում է կայացվել է այսօր՝ դեկտեմբերի 11-ին, ՀՀ գյուղատնտեսության նախարարությունում տեղի է ունեցած ՀՀ-ում ԳՁՕ-ների գործածության կենսաանվտանգության ապահովման նպատակով ստեղծված աշխատանքային խմբի առաջին նիստի ժամանակ:
Գյուղնախարարությունից NEWS.am-ին հայտնում են, որ նիստը վարել է ՀՀ գյուղատնտեսության նախարար Իգնատի Առաքելյանը: նիստի մասնակցել են ՀՀ գյուղատնտեսության, բնապահպանության, առողջապահության նախարարությունների ներկայացուցիչներ, ոլորտի հասարակական կազմակերպությունների ղեկավարներ, գիտնականներ:
Աշխատանքային խումբը քննարկել է ՀՀ-ում ԳՁՕ-ների գործածության կենսաանվտանգությանը միտված առաջիկա քայլերը եւ ներկայացրել առաջարկներ դրանց իրականացման մեխանիզմների ուղղությամբ:
Քննարկումների արդյունքում որոշվել է ԳՁՕ-ների գործածության օրենսդրական կարգավորումներն իրականացնել առաջնորդվելով «նախազգուշավորության սկզբունքով»` հաշվի առնելով, որ գիտությունը դեռեւս չի ապացուցել դրանց անվտանգությունը, ինչը ենթադրում է, որ անհրաժեշտ է արգելել ԳՁՕ-ների կիրառումը:
ՀՀ գյուղատնտեսության նախարար Իգնատի Առաքելյանը հանձնարարել է վեր հանել «ՀՀ-ում ԳՁՕ-ների գործածության կենսաանվտանգության մասին» ՀՀ օրենքի նախագծի սկզբնական տարբերակը, անհրաժեշտ լրամշակումներ կատարել եւ ուղարկել բոլոր անդամներին` երկշաբաթյա ժամկետում կարծիքներ ներկայացնելու նպատակով:
Քննարկումների ընթացքում աշխատանքային խմբի անդամները կարեւորել են նաեւ սպառողների իրազեկվածության մակարդակի բարձրացումը եւ պարբերաբար զանգվածային լրատվության միջոցներով հաղորդումների կազմակերպումը` պետական պաշտոնյաների եւ հանրային հատվածի ներկայացուցիչների մասնակցությամբ:
