նախընտրելի դարձնելՈստիկանությունը դեկտեմբերի 25-ին կրակոցներ արձակելու եւ 39-ամյա տղամարդուն հրազենային վիրավորում հասցնելու մեջ կասկածվողին հայտնաբերել է:
Այս առնչությամբ, ոստիկանության տարածած հաղորդագրության մեջ ասվում է.
«Դեկտեմբերի 25-ին, ժամը 00.30-ին, հիվանդանոցից ոստիկանության Արաբկիրի բաժնում հաղորդում է ստացվել, որ «ձախ սրունքի հետին մակերեսի ծնկափոսի շրջանի հրազենային վնասվածք» ախտորոշմամբ բուժօգնության է դիմել 39-ամյա Արտուշ Հ.-ն եւ հայտնել, որ վնասվածքը ստացել է դեկտեմբերի 24-ին, ժամը 23.00-ին, Երեւանի Կոմիտասի պողոտայի թիվ 27 շենքի բակում, վիճաբանության ժամանակ, մի տղամարդու կողմից իր ուղղությամբ օդաճնշիչ ատրճանակով կրակոցներ արձակելու հետեւանքով:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է կրակոց արձակած անձի ինքնությունը:
Ձեռնարկվում են անհրաժեշտ միջոցառումներ նրան հայտնաբերելու ուղղությամբ:
Նշանակվել է ԴԲՓ:
Ոստիկանության ծառայողների ձեռնարկած օպերատիվ-հետախուզական եւ բացատրական աշխատանքների շնորհիվ, նույն օրը, ժամը 22.30-ին, 50-ամյա Գաբրիել Հ.-ն ինքնակամ ներկայացել է ոստիկանություն եւ տվել խոստովանական բացատրություն: Նա նշել է, որ ատրճանակը նետել է Արարատի մարզի «Սեւ ջուր» գետանցքը:
Կատարվում է քննություն:
