Կալաշնիկով ինքնաձիգը, որը լրատվամիջոցների վարկածով հայտնաբերվել է տղամարդու բնակարանում խուզարկության ժամանակ, որը Մյունստերում բեռնատարը վարել էր մարդկանց վրա, մուլյաժ է եղել: Այս մասին նշված է ոստիկանության եւ դատախազության համատեղ հայտարարության մեջ, փոխանցում է ՏԱՍՍ-ը:

Մինչեւ ենթադրյալ հանցագործի տանը հայտնվելը, իրավապահները կառավարվող պայթուցիկով պայթեցրել են մուտքի դռները: Բնակարանում բացի ինքնաձիգի մուլյաժից՝ հայտնաբերվել է մեծ քանակությամբ պիրոտեխնիկայի արտադրանք: Ըստ որում մեքենայի մոջ, որով վրաերթը կատարվել էր, ատրճանակ է գտնվել, ինչպես նաեւ եւս մեկ մուլյաժ եւ ճայթռուկներ:

Մյունստերում տղամարդը Kiepenkerl ռոեստորանի մոտ համանուն հրապարակում ավտոմեքենան վարել է բազմության վրա: Արդյունքում մահացել է 3 մարդ, այդ թվում մեքենայի վարորդը, որն ինքնասպան է եղել: Գերմանիայի ՆԳՆ-ից հայտնել են, որ տեղի ունեցածի կասկածյալը վարորդն է: Գերատեսչությունից հավելել են, որ նա Գերմանիայի քաղաքացի էր, եւ որ տեղի ունեցածը իսլամիզմի հետ կապ չունի:

Գերմանական լրատվամիջոցները հայտնել են, որ վարորդը 48 տարեկան էր, ով ծնվել է Օլսբերգում, սակայն բնակվում էր Մյունստերում: Դրանից բացի, նա հոգեկան շեղումներ եւ ինքնասպանության նախահակվածություն է ունեցել: