նախընտրելի դարձնել
Դերասան եւ Քալիֆորնիայի նախկին նահանգապետ Առնոլդ Շվարցենեգերը կարծում է, որ ԱՄՆ նախագահ Դոնալդ Թրամփը Հելսինկիում Ռուսաստանի առաջնորդ Վլադիմիր Պուտինի հետ համատեղ մամուլի ասուլիսում «փոքրիկ թթված մակարոնի» տեսք ուներ:
«Նախագահ Թրամփ, ես հենց նոր դիտեցի նախագահ Պուտինի հետ ձեր մամուլի ասուլիսը, եւ դա ամոթալի էր: Դուք այնտեղ կանգնած էիք ինչպես եփած մակարոն, ինչպես փոքրիկ ֆանատ: Ինքս ինձ հարցնում էի՝ ե՞րբ նրանից ինքնագիր կամ սելֆի կխնդրեք»,- ասել է Շվարցենեգերը Twitter-ի իր էջում հրապարակված տեսաուղերձում:
Դերասանի կարծիքով՝ մամուլի ասուլիսում Թրամփը դավաճանել է ամերիկյան հետախուզությանը, արդարադատության համակարգին եւ ընդհանրապես երկրին: «Դուք ԱՄՆ նախագահն եք, դուք չպետք է դա անեք: Ի՞նչ է ձեզ պատահել»,- դժգոհել է Շվարցենեգերը, որն, ինչպես Թրամփը, հանրապետական է:
Իր ուղերձի վերջում ծագումով Ավստրիայից դերասանը ծանր հոգոց է արձակել:
Պուտինի եւ Թրամփի առաջին ամբողջական ձեւաչափով հանդիպումն անցկացվել էր երկուշաբթի Հելսինկիում: Նախագահները նախ ավելի քան 2 ժամ զրուցել են դեմ առ դեմ, որից հետո ճաշել են ընդլայնված կազմով, այնուհետեւ պատասխանել են լրագրողների հարցերին: Հանդիպման արդյունքներով նրանք հայտարարել են 2 երկրների հարաբերությունների բարելավմամբ շահագրգռության մասին:
President @realDonaldTrump, remember, America first. pic.twitter.com/JDEm2rR50G
— Arnold (@Schwarzenegger) 16 июля 2018 г.
