Եգիպտոսի արտգործնախարարը զգուշացրել է Էրդողանին՝ չխառնվել իր երկրի ներքին գործեր

Անկարայում Եգպտոսի դեսպան Աբդուրահման Սալահադինը Թուրքիայի ԱԳՆ ղեկավարին է հանձնել նամակ, որում անհանգստություն է հայտնում Թուրքիայի վարչապետի արած հայտարարության համար։

Թուրքական Milliyet-ի փոխանցմամբ՝  Անկարայում Եգիպտոսի դեսպանը հանդիպել է Թուրքիայի արտգործնախարար Ահմեդ Դավութօղլուի հետ, որի ընթացքում նրան է հանձնել Եգիպտոսի արտգործնախարարի նամակը։

Թուրքիայի ԱԳՆ աղբյուրները հայտնել են, որ նամակում զգուշացում է արվել Անկարային՝ չխառնվել իրենց երկրի ներքին գործերին, հիշեցնելով Թուրքիայի վարչապետ Ռեջեփ Թայիփ Էրդողանի խոսքերը, որով նա կոչ էր անում Մուբարաքին հրաժարական տալ։