նախընտրելի դարձնելՀԱՊԿ շրջանակներում առաջին անգամ կանցկացվեն հրամանատարական շտաբային զորավարժություններ «Օդային կամուրջ» հավաքական օդային ուժերի ներգրավմամբ: Այդ մասին հայտարարել է Հավաքական անվտանգության պայմանագրի կազմակերպության Միացյալ շտաբի ղեկավար Անատոլի Սիդորովը «Russia Today» գործակալության կողմից կազմակերպված տեսակամուրջի ընթացքում:
«Օդային կամուրջը» կդառնա «Մարտական եղբայրություն 2018» լայնամասշտաբ օպերատիվ-մարտավարական զորավարժությունների մաս: Մտահաղացումը ենթադրում է մեկ հրամանատարությամբ ուժերի փոխանցման, ինքնաթիռների քողարկման համար մի շարք խնդիրներ իրականացնել:
«Եղբայրությունն» ուղղված է Կենտրոնական Ասիայում գործող միջազգային ահաբեկչական եւ ծայրահեղական կազմակերպությունների գործունեությունից բխող սպառնալիքներին արձագանքելու մեխանիզմների համալիր մշակման համար: Զորավարժությունները իրականացվում են ՀԱՊԿ անդամ պետությունների անկախության, տարածքային ամբողջականության եւ ինքնիշխանության պաշտպանության նպատակով զորքերի օգտագործման հարցերի մշակմամբ:
Զորավարժությունները կատարվում են երեք փուլով: Առաջին, որն արդեն տեղի է ունեցել՝ զինված հակամարտության կանխարգելում ու զսպում: Երկրորդ փուլում մշակվելու են ՀԱՊԿ զոքրերի օգտագործման խնդիրները: ՀԱՊԿ անդամ բոլոր երկրների կոնտինգենտները կմասնակցեն դրանց, այդ թվում ավիացիոն եւ կոլեկտիվ արագ տեղակայման ուժերի օգտագործմամբ:
3-րդ փուլում «Անխախտ եղբայրություն» խաղաղապահ զորավարժությունները կանցկացվեն: Զորավարժություններին ներգրավվելու է ընդհանուր առմամբ ավելի քան 10 հազար մարդ եւ ավելի քան 1500 միավոր ռազմական տեխնիկա, ներառյալ ավիացիան:
Զորավաւժությունները դիտելու համար հրավիրվել են ՄԱԿ-ի, ԿԽՄԿ-ի ներկայացուցիչներ եւ եւ ռազմական դիտորդներ:
2019 թվականին նախատեսվում է իրականացնել «Էշելոն 2019» համատեղ զորավարժությունները:
