նախընտրելի դարձնել
Երկրի տնտեսության հիմնական խնդիրը գոյություն ունեցող ինստիտուտների արդյունավետության բարելավման ուղիների որոնումն է: Այս մասին դեկտեմբերի 21-ին կլոր սեղանի ընթացքում հայտարարեց հասարակական հիմունքներով վարչապետի խորհրդական Արտակ Մանուկյանը:
Նրա խոսքով, դա պետք է տեղի ունենա խնդիրների լուծման հատվածական մոտեցումներից ռազմավարական ծրագրերի ստեղծման անցման հաշվին:
«Այս ծրագրերի մշակումը պետք է տեղի ունենա բոլոր քաղաքական ուժերի, այդ թվում, արտախորհրդարանական ուժերի մասնակցությամբ», - ասաց Մանուկյանը:
Նա ընդգծեց, որ սա նաեւ վերաբերում է կուտակային կենսաթոշակային համակարգին, որը հասարակության մեջ երկիմաստ արձագանք է առաջացրել:
«Կուտակային կենսաթոշակային համակարգի արդյունավետության բարձրացումը պետք է կապված լինի օրենսդրական բարեփոխումների հետ», - ավելացրեց նա:
Նիկոլ Փաշինյանի խորհրդականի կարծիքով, տնտեսական հեղափոխության ծրագիրը սերտորեն կապված է տեխնոլոգիական հեղափոխության հետ: Եվ այդ նպատակներին հասնելու համար նպատակահարմար է հավասարաչափ մոտեցումը:
Արտակ Մանուկյանը նշեց, որ ակնհայտ խնդիր կա աշխատաշուկայի եւ կրթության միջեւ: Եվ այս իմաստով կարեւոր է կադրերի խրախուսման եւ խթանման մեխանիզմ ստեղծել:
