Հայաստանի կրթության և գիտության նախարար Արմեն Աշոտյանը հրաման է ստորագրել Էջմիածին քաղաքի թիվ 2 ավագ դպրոցի տնօրեն Սուսաննա  Նազարյանի  նկատմամբ կարգապահական տույժ` «խիստ նկատողություն» կիրառելու վերաբերյալ:

ԿԳՆ մամուլի ծառայությունից NEWS.am-ին հայտնում են, որ հրամանի համար հիմք են ծառայել ՀՀ ԿԳՆ հանրակրթության վարչության պետ Ն. Հովհաննիսյանի զեկուցագիրը, տնօրեն Ս.  Նազարյանի  բացատրագիրը:

Դպրոցում տիրող բարոյահոգեբանական անառողջ մթնոլորտին վերջին շրջանում անդրադարձել են նաեւ զանգվածային լրատվական միջոցները: