նախընտրելի դարձնել
Բանկը հաջողությամբ ավարտել է 2019 թ․-ի 1-ին թողարկման պարտատոմսերի տեղաբաշխումը։
Տեղաբաշխումը սկսվել է փետրվարի 20-ին եւ ավարտվել է մարտի 14-ին՝ նախատեսվածից շուտ։ Տեղաբաշխվել է 5 մլն ԱՄՆ դոլար անվանական արժեքով պարտատոմս։ 2019թ. 1-ին թողարկման պարտատոմսերի ժամկետայնությունը 2 տարի 6 ամիս է, իսկ արժեկտրոնային տարեկան եկամտաբերությունը՝ տարեկան 5,25%, որը վճարվելու է եռամսյակային պարբերականությամբ։
IDBank-ի Վարչության նախագահի տեղակալ, ֆինանսական տնօրեն Ռուբեն Մելիքյանը նշել է, որ գնալով ավելի շատ հաճախորդներ են որպես խնայողական գործիք ընտրում հենց IDBank-ի պարտատոմսերը, եւ տարիների փորձը ցույց է տալիս, որ պահանջարկը մշտապես գերազանցում է առաջարկը։ Հատկապես, որ Բանկը իր պարտատոմսերը գնած հաճախորդներին մշտապես պատրաստ է ընդամենը 1 տոկոսային կետով բարձր տոկոսադրույքով պարտատոմսերի գրավադրմամբ վարկ տրամադրել։ «IDBank-ը շարունակելու է պահպանել շուկայում առաջատար դիրքերը եւ հաճախորդներին այս տարի եւս առաջարկելու է պարտատոմսերի նոր տրանշեր։ Տվյալ թողարկման պարտատոմսերը ցուցակվելու են Հայաստանի ֆոնդային Բորսայում»,- նշել է Ռուբեն Մելիքյանը։
IDBank-ը պարտատոմսերի առաջին տրանշը թողարկել է 2016 թ․-ին, որից հետո իրականացրել է անվանական արժեկտրոնային դոլարային եւ դրամային պարտատոմսերի եւս 6 տրանշի թողարկում՝ ընդհանուր ծավալը հասցնելով 30 մլն ԱՄՆ դոլարի եւ 1 մլրդ դրամի։
2019 թ․-ի 1-ին թողարկման պարտատոմսերի ծրագրային Ազդագրի, Ազդագրի լրացումների եւ Թողարկման վերջնական պայմանների էլեկտրոնային տարբերակները տեղադրված են IDBank-ի պաշտոնական կայքէջում՝ ww.idbank.am հասցեով։
