նախընտրելի դարձնել
Կառավարությունն իր այսօրվա՝ մարտի 12-ի նիստում որոշում է կայացրել «ԳԼՈԲԱԼ ՄԱՐԿԵՏՓԼԵՅՍ» սահմանափակ պատասխանատվությամբ ընկերությանը ներառել «ԷԿՈՍ» ազատ տնտեսական գոտու շահագործողների ռեեստրում բարձր և տեղեկատվական տեխնոլոգիաների ոլորտում գործունեության իրականացման համար:
Մեկ այլ որոշմամբ, «ԷԿՈՍ» ազատ տնտեսական գոտու շահագործողների ռեեստրում նեռավել է նաեւ «ՅՈՒ-ՌՈԲՈՏ» փակ բաժնետիրական ընկերությունը:
Երկու ընկերությունների համար շահագործողների ռեեստրում ներառված լինելու ժամկետը սահմանվել է 5 տարի:
Նշենք, որ ՀՀ կառավարության որոշմամբ ՀՀ Կոտայքի մարզի Հրազդան քաղաքում ստեղծվել է «ԷԿՈՍ» ազատ տնտեսական գոտին, և մեկնարկը տրվել է 2019 թվականի հունվարին:
«ԷԿՈՍ» ազատ տնտեսական գոտում շահագործողների գործունեությունը հնարավորություն կընձեռի ներգրավել ներդրումներ, խթանել բարձր և տեղեկատվական տեխնոլոգիաների ոլորտում ստեղծված արդյունքի արտահանմանը, նպաստել տվյալ հատվածում հայկական բրենդի ճանաչմանն ու տարածմանը:
«ԳԼՈԲԱԼ ՄԱՐԿԵՏՓԼԵՅՍ» ՍՊԸ-ի ծրագրի շրջանակներում (2020-2024թթ.) իրականացվելիք ներդրումները կկազմեն շուրջ 43,5 մլն դոլար:
Ծրագրի ընթացքում կստեղծվի 150 նոր աշխատատեղ` ղեկավար անձնակազմի համար մոտ 240 000 դրամ, օպերացիոն անձնակազմի համար՝ 145 000 դրամ, իսկ տեխնիկական անձնակազմի համար՝ 180 000 դրամ միջին ամսական աշխատավարձերով:
Ընկերությունն ունենալու է մոտ 15.08 քմ գրասենյակային տարածք «ԷԿՈՍ» ազատ տնտեսական գոտում: «ԷԿՈՍ» ՍՊ ընկերությունը համաձայն է տրամադրել վերոնշյալ տարածքն ընկերությանը 5 տարի ժամկետով և ապահովել համապատասխան ենթակառուցվածքով:
Գործարար ծրագիրը գնահատվել է 70.1 միջին միավոր: Հաշվի առնելով, որ անցողիկ շեմը սահմանված է 60 միավոր` նպատակահարմար ենք գտնում ներառել «ԳԼՈԲԱԼ ՄԱՐԿԵՏՓԼԵՅՍ» ՍՊ ընկերությանը «ԷԿՈՍ» ազատ տնտեսական գոտու շահագործողների ռեեստրում:
«ՅՈՒ-ՌՈԲՈՏ» ընկերության ծրագրի շրջանակներում (2020-2024թթ.) իրականացվելիք ներդրումները կկազմեն շուրջ 2,395 մլն դոլար:
Ծրագրի ընթացքում կստեղծվի 17 նոր աշխատատեղ` մոտ 821 000 դրամ միջին ամսական աշխատավարձով:
Ընկերությունը վարչական անձնակազմի համար ունենալու է մոտ 16 քմ գրասենյակային տարածք «ԷԿՈՍ» ազատ տնտեսական գոտում: «ԷԿՈՍ» ՓԲ ընկերությունը համաձայն է տրամադրել վերոնշյալ տարածքն ընկերությանը 5 տարի ժամկետով և ապահովել համապատասխան ենթակառուցվածքով:
Գործարար ծրագիրը գնահատվել է 73.3 միջին միավոր: Հաշվի առնելով, որ անցողիկ շեմը սահմանված է 60 միավոր` նպատակահարմար ենք գտնում ներառել «ՅՈՒ-ՌՈԲՈՏ» ՓԲԸ-ին «ԷԿՈՍ» ազատ տնտեսական գոտու շահագործողների ռեեստրում:
