Լիբանանի The Daily Star թերթը հարցում է անցկացրել Բեյրութի բնակիչների շրջանում`պարզելու, թե ի?նչ է նրանց հայտնի ապրիլի 24-ի` Հայոց ցեղասպանության զոհերի հիշատակի օրվա մասին:

Թերթը նշում է, որ այս տարի հիշատակի օրը համընկել է Սուրբ Զատիկի հետ, ինչի կապակցությամբ հայերին պատկանող բոլոր ընկերություններն ու խանութները դրա հաջորդ օրը` ապրիլի 25-ին փակ կլինեն:

Հարցումը ցույց է տվել, որ շատ անցորդներ տեղյակ են այդ օրվա մասին: «Մի րոպե, թույլ տվեք մտածել…Այո, դա ողբերգություն էր: Հայերի ցեղասպանությունը  20-րդ դարի սկզբին»,– ասել է 60-ամյա Թոնի Օտտավան:

Հարցվածներից շատերն ասել են, թե գիտեն, որ դա կապված է հայերի եւ թուրքերի հետ, թեեւ մանրամասներ դժվարացել են նշել: 

«Այդ օրը նշվում է որպես Հայոց ցեղասպանության տարելից: Դա այն օրն է, երբ մենք հիշում ենք հայերին, որոնք սպանվել են 1917 թ. երիտթուրքերի հեղափոխության  ժամանակ: Այս տարի այն համընկնում է Զատիկի հետ:  Մի ամբողջ սերունդ  հանդիսանում է տեղահանվածների հետնորդը»,– ասել է 63-ամյա Պաուլան:

Իհարկե, եղել են նաեւ այնպիսիք, ովքեր չեն իմացել օրվա մասին, սակայն, ըստ The Daily Star-ի, նրանք փոքրամասնություն են կազմել: