Նախընտրելի
Հայաստանում ապրիլի 26-27-ին արձանագրվել է կողոպուտի 1 դեպք, որը բացահայտվել է:
Ոստիկանության մամուլի ծառայությունից NEWS.am-ին հայտնում են, որ արձանագրված մարմնական վնասվածք հասցնելու 11 դեպքից բացահայտվել է 10-ը, իսկ խարդախության եւ խուլիգանության 3-ական դեպքերն էլ բացահայտվել են:
Բացահայտվել է նաեւ գողության 4 դեպք:
Նույն ժամանակահատվածում նախկինում կատարված հանցագործություններից բացահայտվել է մարմնական վնասվածք հասցնելու 3 դեպք:
Անցած մեկ օրում հանրապետությունում արձանագրվել է ճանապարհային 6 պատահար, որից 2-ը՝ վրաերթ. 9 մարդ ստացել են տարբեր աստիճանի մարմնական վնասվածքներ:
Ոստիկանության տարբեր ստորաբաժանումների աշխատակիցները հայտնաբերել են որսորդական 1 հրացան, 1-ական գազային, ազդանշանային եւ մարտական ատրճանակ եւ տարբեր տրամաչափի 75 փամփուշտ:
Ոստիկանության ստորաբաժանումներ ներկայացած քաղաքացիները կամավոր հանձնել են որսորդական 2 հրացան, ինքնաձիգի 2 պահունակ, 2 նռնակ, նռնակի 1 պայթուցիչ, լուսարձակիչ, ինքնաշեն կռփազենք եւ տարբեր տրամաչափի 435 փամփուշտ:
