նախընտրելի դարձնել
Ուսամա բեն Լադենի սպանությունը, թերեւս, ավելի կբարդացնի պայքարը գլոբալ ահաբեկչության դեմ, քանի որ եթե նախկինում գոյություն ուներ մեկ գլոբալ ահաբեկչական կազմակերպություն, որը կառավարվում էր մեկ կենտրոնից, սպանությունից հետո հնարավոր է այդ կազմակերպության մասնատում եւ լոկալ առաջնորդների առաջացում: NEWS.am-ի թղթակցի հետ զրույցում նման կարծիք է հայտնել Երեւանի պետհամալսարանի արեւելագիտության ֆակուլտետի փոխդեկան Վարդան Ոսկանյանը:
Նա միաժամանակ քիչ հավանական է համարել Մերձավոր Արեւելքում իրավիճակի արմատական փոփոխությունը: «Բեն Լադենը խորհրդանիշ էր, իսկ խորհրդանիշների ոչնչացումից հետո գործընթացները չեն դադարում, դրանք շարունակում են զարգանալ այս կամ այլ հունով»,- նկատել է փորձագետը: Միեւնույն ժամանակ Ոսկանյանը չի բացառել հնարավորությունը, որ սպանությունից հետո առաջին օրերին նրա կողմնակիցները կարող են շփոթմունքի մեջ լինել, բայց դա ժամանակավոր բնույթ է կրելու:
