Հայաստանի Ընտրական օրենսգրքի փոփոխությունների նախագծի վերաբերյալ Վենետիկի հանձնաժողովի որոշ առաջարկություններ անընդունելի են կառավարող կոալիցիայի համար, քանի որ, ըստ փաստաթղթի հեղինակների, կամ հակասում են երկրի Սահմանադրությանը, կամ անվտանգության սպառնալիք ստեղծում:

Խորհրդարանական լսումների ժամանակ պետաիրավական հարցերի հանձնաժողովի նախագահ Դավիթ Հարությունյանը նշեց, որ Վենետիկի հանձնաժողովի կողմից նման առաջարկների պատճառը եղել է վատ թարգմանությունը, ինչի պատճառով որոշ դրույթներ սխալ են մեկնաբանվել: Պատգամավորը նշեց, որ ստեղծված իրավիճակը չի խանգարի հետագա համագործակցությանը:

Վենետիկի հանձնաժողովն առաջարկում է դրույթ մտցնել, որով Հայաստանի նախագահ կարող է դառնալ մի քանի քաղաքացիություն ունեցող անձը: Հանձնաժողովը նաեւ խորհուրդ է տալիս ԿԸՀ-ն ձեւավորել կուսակցության սկզբունքով, մինչդեռ մի քանի տարի առաջ ասում էին, թե այդ համակարգը չի արդարացնում իրեն: