նախընտրելի դարձնել
Ավստրալիայի կառավարությունը հրատապ միջոցներ է ձեռնարկում` կանխելու երիտասարդ բնիկների` աբորիգենների մոտ ինքնասպանությունները:
Երկրի արեւմտյան հատվածում`Քիմբեռլիի շրջանում, անցյալ տարվա վերջից ինքնասպանությունների եւ սեփական մարմնին ֆիզիկական վնասվածքներ հասցնելու դեպքերի կտրուկ աճ է գրանցվել: Միջին հաշվարկներով` շաբաթական մեկ անձ է ինքնասպանություն գործում:
Հատուկ պետական ծրագիրը վերանայում է միջոցների տրամադրումը երիտասարդների հոգեբանական, կրթական եւ մասնագիտական օգնության համար:
Աբորիգենների իրավունքների համար պայքարողները մտադիր են քննարկել բնիկների շրջանում աճող ինքնասպանությունների խնդիրը հուլիսին տեղի ունենալիք հատուկ գագաթաժողովի ժամանակ:
