նախընտրելի դարձնել
Արժույթի միջազգային հիմնադրամը զգուշացրել է, որ կորոնավիրուսի հետ կապված ճգնաժամը «հեռու է ավարտից»:
ԱՄՀ տնօրեն Քրիստալինա Գեորգիեւան եւ գլխավոր տնտեսագետ Գիտա Գոպինատխը հայտարարել են, որ տնտեսության շարունակվող վերականգնումը կառավարությունների եւ կենտրոնական բանկերի աջակցության աննախադեպ մասշտաբի եւ արագ իրականացման արդյունք է:
Նրանց խոսքով՝ վերականգնումը դեռ փխրուն է:
ԱՄՀ գնահատմամբ՝ մինչեւ 2021 թվականի վերջ ճնգաժամի ընդհանուր արժեքը կհասնի 12 տրիլիոն դոլարի, ընդ որում, ցածր եկամուտ ունեցող երկրներին հետագա աջակցություն անհրաժեշտ կլինի:
ԱՄՀ-ն արտակարգ ֆինանսավորում է տրամադրել 75 երկրների, այդ թվում ցածր եկամուտով 47 երկրի:
Սեպտեմբերի 8-ի դրությամբ 128 պատվաստանյութ գտնվում է մշակման փուլում, 37-ը փորձարկվել է մարդկանց վրա:
ԱՄՀ պաշտոնական անձինք ողջունել են կորոնավիրուսի դեմ պայքարի գլոբալ ծրագիրը՝ COVAX-ը:
Նրանց խոսքով՝պատվաստանյութերի սինքրոն եւ արդար բաշխումը բխում է յուրաքանչյուր երկրի շահերից:
