ՆախընտրելիԱարդարադատության նախարարության քրեակատարողական վարչության նախաձեռնությամբ մայիսի 28-ին Հանրապետության օրվա առթիվ մեծ միջոցառում է կայացել «Էրեբունի» ՔԿՀ-ում:
Ինչպես NEWS.am-ը տեղեկանում է ՔԿՎ մամուլի խոսնակ Արսեն Բաբայանից, միջոցառմանը ելույթ է ունեցել Ջիվանի աշուղական դպրոցի «Հավասու» անվան երիտասարդական անսամբլի սաները` ՀՀ Ժողովրդական արտիստ Թովմաս Պողոսյանի գլխավորությամբ:
Նախքան միջոցառման սկսվելը բացման ու ողջույնի խոսքերով հանդես են եկել «Էրեբունի» քրեակատարողական հիմնարկի պետ Հովիկ Պետրոսյանը, ՀՀ Ժողովրդական արտիստ Թովմաս Պողոսյանը, ինչպես նաեւ ՔԿՀ-ի հոգեւոր տեսուչը:
Միջոցառման ընթացքում համույթը ներկայացրել է բազմաթիվ ստեղծագործություններ:
Նշենք, որ այս մշակութային միջոցառումը նախադեպային չէ եւ պարբերական բնույթ է կրում:
