նախընտրելի դարձնելԱՊՀ երկրների շարքում Հայաստանը 9-րդ է մայրաքաղաքի եւ մարզերի միջեւ աշխատվարձերի անհամապատասխանության առումով: Նման տվյալներ է ներկայացրել ԱՊՀ միջպետական վիճակագրական հանձնաժողովը: Կազմված վարկանիշային աղյուսակը ցույց է տալիս յուրաքանչյուր երկրի ներսում եկամուտների բաշխվածության անհամամասնությունների մակարդակը:
Առաջին տեղն զբաղեցնում է Դուշանբեն (Տաջիկստան), որտեղ 2010թ. անվանական աշխատավարձը եղել է միջինը 97%-ով ավելի, քան ողջ երկրում: Մայրաքաղաքից դուրս աշխատավարձի մակարդակը շատ ցածր է, իսկ մարզերի բնակիչները հիմնականում ապահովում են իրենց եկամուտը օժանդակ տնտեսության միջոցով, հաղորդում է «ՌԻԱ Նովոստին»:
Երկրորդ հորիզոնականում է Մոսկվան, որտեղ աշխատավարձը 91%-ով բարձր է, քան ամբողջ Ռուսաստանում: Երրորդ տեղում է Կիեւը. այստեղ աշխատավարձի մակարդակը 53% -ով է գերազանցում երկրի տարածքում արձանագրված միջին ցուցանիշը:
Վերջին` իններորդ տեղում Երեւանն է: Աշխատավարձերի անհամապատասխանությունը երկրի մյուս տարածքների համեմատ այստեղ կազմում է 10%:
Յոթերորդ եւ ութերորդ տեղերը զբաղեցնում են համապատասխանաբար Մինսկը (31%) եւ Քիշնեւը (25%). Բելառուսում եւ Մոլդովայում տնտեսության մեծ մասում աշխատավարձը կանոնակարգվում է պետության կողմից:
