նախընտրելի դարձնել
Facebook-ը, Google-ը եւ Twitter-ը մասնավոր կերպով նախազգուշացրել են Հոնկոնգի կառավարությանը, որ կարող են դադարեցնել իրենց ծառայությունները, եթե իշխանությունները ծրագրված փոփոխություններ կատարեն տվյալների պաշտպանության մասին օրենքներում, հայտնում է Wall Street Journal-ը:
Ըստ թերթի՝ օրենքները կարող են պատասխանատվություն դնել տեխնոլոգիական ընկերությունների վրա՝ ինտերնետում ֆիզիկական անձանց վերաբերյալ չարամտորեն տեղեկատվություն տարածելու համար:
Ինտերնետային ընկերություններին ներառող ոլորտային խմբի կողմից ուղարկված նամակում ասվում է, թե ընկերությունները մտահոգված են, որ «դոքսինգի» դեմ պայքարի կանոնները կարող են իրենց աշխատակազմին քրեական հետաքննության կամ դատական հետապնդման ռիսկի ենթարկել՝ կապված այն բանի հետ, թե ինչ են ընկերությունների օգտվողները տեղադրում են ինտերնետում:
«Դոքսինգը» ցանցում անձնական տվյալների՝ անվան, տան հասցեի կամ աշխատանքի վայրի բացահայտումն է՝ առանց օգտագործողի թույլտվության:
Հոնկոնգի սահմանադրական եւ ցամաքային գործերի բյուրոն մայիսին առաջարկել էր փոփոխություններ կատարել տվյալների պաշտպանության մասին քաղաքային օրենքներում, որոնք, ըստ նրա, անհրաժեշտ են «դոքսինգի» դեմ պայքարի համար, պրակտիկա, որը տարածված էր 2019թ․ քաղաքի բողոքի ցույցերի ժամանակ:
