նախընտրելի դարձնելԺամը 15-ի դրությամբ Ղարաբաղում ընթացող խորհրդարանական ընտրություններին մասնակցել է ընտրողների 46,54 տոկոսը, իսկ դա նշանակում է, որ ընտրությունները կարելի է համարել կայացած: Ինչպես Ստեփանակերտից հաղորդում է NEWS.am-ի սեփական թղթակիցը, ներկայումս ընտրություններին մասնակցել է 95 303 ընտրողներից 44 357-ը:
Հիշեցնենք, որ ԼՂՀ օրենսդրության համաձայն, ընտրությունները համարվում են կայացած, եթե դրանց մասնակցում է ընտրողների 25 տոկոսը: Պատգամավորական աթոռի համար պայքարն ընթանում եւ մեծամասնական (16 տեղ) եւ համամասնական (17 տեղ) ընտրակարգերով: 33 հոգանոց խորհրդարանում 17 մանդատի համար պայքարում են 4 կուսակցություններ. «Ազատ Հայրենիքը» (այս կուսակցությունը գլխավորում է երկրի վարչապետ Արա Հարությունյանը) 38 հոգանոց ընտրացուցակով, Արցախի ժողովրդավարական կուսակցությունը (գլխավորում է ԼՂՀ ԱԺ նախագահ Աշոտն Ղուլյանը) 32 հոգանոց ցուցակով, ՀՅԴ-ն` 17 հոգանոց ցուցակով եւ Արցախի կոմունիստական կուսակցությունը` 7 հոգանոց ցուցակով: Մեծամասնական ընտրակարգով 16 մանդատի համար պայքարում են 46 թեկնածուներ: Խորհրդարանում անցողին նվազագույն ժեմը 10 տոկոսից իջեցվել է 6 տոկոսի:
