ԼՂՀ եւ Մերձդնեստրի Մոլդովական Հանրապետության օմբուդսմեններ Յուրի Հայրապետյանը եւ Վասիլի Կալկոն համագործակցության մասին համաձայնագիր են ստորագրել։

«Համաձայնագիրն ուղղված է լինելու կողմերի միջեւ փորձի եւ տեղեկատվության փոխանակմանը նպաստելուն եւ ավելի հարմարավետ է դարձնելու ղարաբաղցիների ժամանումը Մերձդնեստր եւ հակառակը»,- ասել է Կալկոն։

Նա նաեւ նշել է, որ կողմերին չի հետաքրքրում Ադրբեջանի կարծիքը։

Համաձայնագրի ստորագրման արարողությանը ներկա են եղել ԼՂՀ արտգործնախարար Գեորգի Պետրոսյանը, ինչպես նաեւ պաշտոնատար անձիք Մերձդնեստրից։

Մերձդնեստրի օմբուդսմենը Ղարաբաղում է մայիսի 23-ին տեղի ունեցած խորհրդարանական ընտրություններում դիտորդական առաքելության իրականացման շրջանակներում։