նախընտրելի դարձնել
Իրանի արտաքին գործերի նախարար Հուսեյն Ամիր Աբդուլահիանը հայտարարել է, որ Սիրիան զարգացման եւ առաջընթացի ճանապարհին է, եւ Իրանի Իսլամական Հանրապետությունը, ինչպես Սիրիայի դեմ ահաբեկչական պատերազմի ժամանակ, կմնա Դամասկոսի կողքին, հայտնում է իրանական տեղեկատվական IRNA գործակալությունը:
«Շարունակելով իմ ուղեւորությունը Մոսկվա եւ Բեյրութ՝ այսօր ես ժամանել եմ Դամասկոս, որպեսզի ավարտեմ խորհրդակցություններն ու հանդիպեմ նախագահ Բաշար Ասադի հետ»,- ասել է նա:
«Իրանի Իսլամական Հանրապետության բարեկամների եւ ռազմավարական գործընկերոջ, մասնավորապես՝ Սիրիայի եւ սիրիական իշխանությունների հետ հանդիպելով, մենք միշտ լուրջ ուշադրություն ենք դարձրել տարածաշրջանային զարգացումներին եւ երկկողմ հարաբերություններին»,- հավելել է նա:
«Սիրիան զարգացման եւ առաջընթացի ճանապարհին է, եւ այս ճանապարհին Իրանի Իսլամական Հանրապետությունը, ինչպես Սիրիայի դեմ ահաբեկչական պատերազմի ժամանակ, կմնան Դամասկոսի կողքին»,- եզրափակել է նա:
