նախընտրելի դարձնել
Քուվեյթը դադարեցրել է բոլոր տեսակի վիզաների տրամադրումը Լիբանանի քաղաքացիներին՝ Պարսից ծոցի համագործակցության խորհրդի երկրների հետ դիվանագիտական սկանդալի ֆոնին, հայտնում է առաջատար տեղական Al-Qabas թերթը՝ վկայակոչելով իր աղբյուրը։
Քուվեյթն արդեն հետ է կանչել Բեյրութից իր դեսպանին եւ խնդրել է Լիբանանի գործերի ժամանակավոր հավատարմատարին լքել երկիրն այն բանից հետո, երբ լիբանանցի նախարարը քննադատեց Սաուդյան Արաբիայի միջամտությունը Եմենին, հայտնում է Reuters-ը։
Դիվանագիտական պառակտումը, որը սպառնում է հետագա ճգնաժամի մեջ գցել Լիբանանը, ստիպել է Սաուդյան Արաբիային եւ դրա որոշ դաշնակիցներին հետ կանչել դեսպաններին եւ արգելափակել ներմուծումը Լիբանանից: Ներմուծման սահմանափակումները եւս մի հարված են մի երկրի համար, որտեղ կառավարությունը պայքարում է միջազգային օգնություն ստանալու համար, մասնավորապես` արաբական հարուստ հարեւաններից:
Որոշման պատճառ էին դարձել տեղեկատվության նախարար Ջորջ Կորդահիի մեկնաբանությունները օգոստոսին, նախքան տեղեկատվության նախարար դառնալը, ձայնագրված հարցազրույցում: Կորդահին 2015 թվականից ի վեր Եմենում Սաուդյան Արաբիայի միջամտությունը որպես «արտաքին ագրեսիա» էր որակել` Սաուդյան Արաբիայի, Բահրեյնի, Քուվեյթի եւ Արաբական Միացյալ Էմիրությունների նախատինքների պատճառ դառնալով:
