Հարավային Աֆրիկայից ընտանիքն իր տան տոնածառի վրա թունավոր օձ է հայտնաբերել, հաղորդում է UPI-ն։ 

Snake Live Matter ընկերության հիմնադիր Ջերի Հեյնսի խոսքով՝ իրեն դիմել է Քեյփթաունից մի ընտանիք, որը պատմել է, որ տան տոնածառի վրա օձ է հայտնաբերել, եւ որ իրենք չգիտեն՝ ինչ անել դրա հետ։ 

Տղամարդը հասցեով ժամանել է 90 րոպե անց․ օձը դեռ տոնածառի ճյուղերին էր։ Նա հատուկ աքցանի օգնությամբ օձին խնամքով հանել է տոնածառի վրայից, ապա դրել հատուկ տարայի մեջ։

Ըստ Հեյնսի՝ դա թունավոր բումսլանգ էր, որի խայթոցը մահացու է մարդկանց համար։