նախընտրելի դարձնել
Աշխարհի 11 երկրների 9 համալսարաններում հայագիտության զարգացման ծրագրեր են իրականացվում։ Այս մասին դեկտեմբերի 28-ին լրագրողների հետ հանդիպմանն ասաց ՀՀ կրթության, գիտության, մշակույթի եւ սպորտի նախարար Վահրամ Դումանյանը։
Նա նշեց, որ 2021 թվականին նման ծրագրեր սկսել են իրականացվել Մոսկվայի միջազգային հարաբերությունների պետական ինստիտուտում, Հռոմի Լա Սապիենցա համալսարանում, Կահիրեի համալսարանում, Ուրուգվայում։
Առաջնահերթությունների թվում նախարարը նշեց հայագիտության դասավանդման հիմքերի ամրապնդումը, սփյուռքի ուսուցիչների հետ աշխատանքը, համահայկական միջոցառումների անցկացումը։
«Այս տարի ավելի քան 44 հազար օրինակ գրականություն է փոխանցվել 18 երկրների 100-ից ավելի ուսումնական հաստատությունների»,- հավելեց Դումանյանը։
Նա հայտնեց, որ 2022 թվականին Հայաստանում տեղի կունենա կենսաբանության միջազգային օլիմպիադա, նախապատրաստական աշխատանքներ են տարվում Starmus փառատոնի անցկացման համար։
