Հնագետները Նոտր Դամի տաճարի տակ հնագույն կապարե սարկոֆագ են հայտնաբերել, ինչը նոր պատկերացումներ է տալիս շենքի պատմության մասին, որն այժմ վերանորոգման փուլում է՝ 2019թ․ ավերիչ հրդեհից հետո:

Նոտր Դամը, որը կառուցվել է 12-րդ դարում, պեղումներ է պատվիրել տաճարի ներսում։

Պեղումների վայրը գտնվում է ժայռաշերտի տակ, որը թվագրվում է 18-րդ դարով, սակայն որոշ ցածր մակարդակներ թվագրվում են 14-րդ դար, իսկ որոշները՝ նույնիսկ 13-րդ դարասկիզբ։ Այս մասին հայտնել է մշակույթի նախարարությունը:

Նոտր Դամի տաճարը կվերաբացվի 2024թ․՝ աղետալի հրդեհից հինգ տարի անց։

Հնագետները նշել են, որ կապարե սարկոֆագը, հավանաբար, պատկանել է բարձրաստիճան պաշտոնյայի եւ կարելի է թվագրել 14-րդ դարով։