նախընտրելի դարձնել
Ֆրանսիայի հարավ-արեւելքում դպրոցի կառուցման ժամանակ հնագետները մ.թ. 1-ին դարի երկու աճյուն եւ ուշ անտիկ շրջանի 15 դամբարան են հայտնաբերել։ Դրանցից մեկն անսովոր է եղել՝ գերեզմանում գիտնականները դիակիզված մնացորդների կրկնակի սափոր են հայտնաբերել, ասվում է The History Blog պորտալում:
Երկու գերեզմաններում ոսկորների մնացորդներով սափորներ են գտնվել։ Գտածոներից առաջինը հայտնաբերվել է 2020թ․՝ հետախուզական պեղումների ժամանակ։ Ներքին կապարե սափորի մեջ երիտասարդի ոսկորներ են եղել։ Կապարե սափորը իր հերթին տեղադրված է եղել մեծ քարե սափորի մեջ՝ կնքված քարե կափարիչով: Քարե սափորի շուրջը հնագետները սննդի մնացորդներով հուղարկավորության ամանեղեն են գտել՝ կավե թաս, ափսե եւ բաժակ, ձեթի լամպ եւ խոզի մսով կերակրի մնացորդներ։ Այս թաղումը կատարվել է մ.թ. 20-60 թվականների միջեւ: Մոտավորապես նույնպիսի արտեֆակտներ են հայտնաբերվել երկրորդ գերեզմանում:
