Հայաստանի շուրջ եւ երկրի ներսում շատ լուրջ աշխարհաքաղաքական խաղ է ընթանում։ Այս մասին NEWS.am-ի թղթակցի հետ զրույցում ասաց քաղտեխնոլոգ Արմեն Բադալյանը։

Նա հիշեցրեց Պուտինի խոսքերը ՇՀԿ-ի նիստին, որ Ռուսաստանը մեծ դեր է խաղացել Հայաստանի եւ Ադրբեջանի միջեւ ռազմական գործողությունների դադարեցման գործում, մինչդեռ Հայաստանի իշխանությունները հայտարարեցին, որ դա տեղի է ունեցել Արեւմուտքի ջանքերի շնորհիվ եւ ճնշման տակ եւ քննադատեցին ՀԱՊԿ-ին։

«Արեւմուտքը կտրուկ բացասական դիրքորոշում է հայտնում Ադրբեջանի նկատմամբ, որը գնդակոծում է ռուս սահմանապահների ավտոմեքենաները։ Բաքուն հասավ իր ուզածին. լուրջ առաջընթաց  ապահովեց։ Թուրքիան իր հերթին զորքեր է կուտակում Հայաստանի հետ սահմանի մոտ։ Իրանը, սակայն, հայտարարեց, որ չի պատրաստվում միայն որպես դիտորդ հանդես գալ եւ փոփոխություններ չի հանդուրժի տարածաշրջանում երկրաբանական պատկանելության առումով՝ հասկացնելով, որ թույլ չի տա այլ ուժերի, այսինքն՝ Արեւմուտքին, միանալ Հարավային Կովկասի տարածաշրջանի ուժերին, որոնք այժմ գոյություն ունեն։ Հայաստանի իշխանություններն իրենց հերթին հանդես են գալիս Արեւմուտքի հետ հարաբերությունների ամրապնդման դիրքերից»,- ասաց Բադալյանը։

Քաղտեխնոլոգի խոսքով՝ աշխարհաքաղաքական նշանակության այս լուրջ խաղը ժամանակավորապես կանգ է առել, բայց չի ավարտվել, այն կշարունակի զարգանալ։ Նա չբացառեց, որ ռազմական գործողությունները կարող են վերսկսվել, քանի որ Ադրբեջանը նպատակ ունի բացել միջանցքը։

«Ոռքան էլ Հայաստանի ներկայիս իշխող ուժը հրապարակայնորեն մերժի այդ մտադրությունները, նա ինքն է 2018-ին իշխանության բերվել Ղարաբաղի հարցը փակելով Ռուսաստանի ազդեցությունը թուլացնելու, ինչպես նաեւ միջանցք բացելու համար»,- վստահություն հայտնեց քաղտեխնոլոգը։

Ինչ վերաբերում է ԱՄՆ Կոնգրեսի Ներկայացուցիչների պալատի նախագահ Նենսի Փելոսիի այցին, Բադալյանը նշեց, որ դրա թիկունքում կանգնած են անգլո-սաքսոնական ուժերը, որոնք 2018-ին Հայաստանում իշխանափոխություն իրականացրին։

«Այդ ուժերն են գլխավորը Ռուսաստանի եւ Չինաստանի դեմ պայքարում։ Իսկ այս կոնգլոմերատի ներկայացուցչի այցը Հայաստան վառ ընդգծված նշանակություն ունի, դա ազդանշան է։ Այդպիսով նա աջակցություն է հայտնում ՀՀ իշխանություններին»,- եզրափակեց նա։