Շվեդիայի նոր կառավարությունը խոստանում է կատարել Թուրքիայի հետ պայմանավորվածությունը, որը ճանապարհ հարթեց ՆԱՏՕ-ին միանալու գործընթաց սկսելու համար, գրում է  Bloomberg-ը։

Համաձայնագիրը մշակվել էր հունիսին՝  Թուրքիայի այն մտահոգությունների ֆոնին, որ Շվեդիան եւ Ֆինլանդիան համարժեք գործողություններ չեն ձեռնարկում քրդական խմբավորումներին ճնշելու համար, որոնց Անկարան համարում է «ահաբեկիչներ»:

Թուրքիան եւ Հունգարիան միակն են պաշտպանական դաշինքի 30 անդամներից, որոնք դեռ չեն վավերացրել սկանդինավյան երկրների մուտքը դաշինք։

«Այժմ մենք իրականացնում ենք համաձայնագիրը, դա վերաբերում է եւ՛ Շվեդիային, եւ՛ Ֆինլանդիային»,-ասել է Ուլֆ Քրիսթերսոնը, որը հաջորդ շաբաթ պետք է ստանձնի վարչապետի պաշտոնը։

Հունիսին Մադրիդում կնքված գործարքը թույլ  է տվել շարունակել դիմումների գործընթացը՝ չնայած Թուրքիայի նախնական առարկությանը, որը մնում է միակ երկիրը, որը մտահոգություններ է առաջացրել:

«Երեք երկրների միջեւ շատ շփումներ կան»,-ասել է Քրիսթերսոնը՝ հույս հայտնելով, որ ամեն ինչ լավ կընթանա։