նախընտրելի դարձնել
Հայաստանի Հանրապետությունը մարդասիրական օգնության նոր խմբաքանակ է ուղարկել երկրաշարժից տուժած Սիրիայի Արաբական Հանրապետություն: Այս մասին NEWS.am-ը տեղեկանում է ՀՀ ՆԳՆ փրկարար ծառայությունից։
«Արտակարգ իրավիճակների նախարարությունը ՀՀ վարչապետի հանձնարարականով կազմակերպել է Սիրիա ավելի քան 25 տոննա օգնության տեղափոխությունը։ Այն Սիրիա է ուղարկվել Երևանի «Էրեբունի» օդանավակայանից»,– ասվում է հաղորդագրության մեջ։
Մարդասիրական բեռում կա սնունդ, դեղորայք և բժշկական սարքավորումներ:
Հիշեցնենք, որ Հայաստանն առաջին մարդասիրական օգնությունն ուղարկել է փետրվարի 8-ին` 30 տոննա։ ՀՀ կառավարությունը նաև 29 հոգուց բաղկացած հայ փրկարարների խումբ է ուղարկել Սիրիա։
