նախընտրելի դարձնել
Արարատի մարզի Այգավան գյուղի բենզալցակայանի մոտ այսօր՝ մարտի 3-ին, VAZ-2106» եւ «Nissan Altima» մակնիշների ավտոմեքենաները, կա երկու տուժած: Այս մասին NEWS.am-ը տեղեկանում է ՆԳՆ Փրկարար ծառայությունից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երեւան-Երասխ ավտոճանապարհի 45-րդ կմ-ին բախվել են «VAZ-2106» (վարորդ՝ Վ․ Հ․, ծնված 1985 թ.) եւ «Nissan Altima» (վարորդ՝ Ն․ Պ․, ծնված 1979 թ.) մակնիշների ավտոմեքենաները:
Մինչ փրկարարների կանչի վայր հասնելը՝ Վ. Հ․-ն ավտոմեքենայից դուրս է բերվել տեղի ուժերով եւ հոսպիտալացվել «Արտաշատի» ԲԿ, որտեղ բժիշկները նրա առողջական վիճակը գնահատել են ծանր եւ տեղափոխել Երեւանի «Էրեբունի» ԲԿ, իսկ Ն. Պ․-ն տեղափոխվել է «Արարատի» ԲԿ, որտեղ բժիշկները նրա առողջական վիճակը գնահատել են բավարար:
Փրկարարները հոսանքազրկել են «VAZ-2106» մակնիշի ավտոմեքենան:
