նախընտրելի դարձնել
Moody's Investors Service միջազգային վարկանիշային գործակալությունը ԱՄՆ բանկային ողջ համակարգի կանխատեսումը կայունից իջեցրել է բացասականի, հայտնում է CNBC-ն։
Վարկանիշային գործակալությունը հայտնել է, որ դա անում է բանկերի ձախողումների լույսի ներքո, ինչը դրդել է կարգավորող մարմիններին միջամտել ավանդատուներին եւ ճգնաժամից տուժած հաստատություններին փրկելու ծրագրով:
Այս քայլը հետեւել է Moody's-ի նախազգուշացմանը, որ ինքը կա՛մ նվազեցնում է վարկանիշը, կա՛մ վերանայման է դնում յոթ առանձին հաստատություններ՝ նվազեցման համար:
Այս քայլերը կարեւոր են, քանի որ դրանք կարող են ազդել վարկային վարկանիշների եւ, հետեւաբար, ոլորտի փոխառությունների արժեքի վրա:
Վարկանիշային գործակալությունը, իջեցնելով ամբողջ ոլորտի վարկանիշը, նշել է տուժած բանկերին փրկելու համար ձեռնարկված արտակարգ միջոցառումների մասին։ Ընդ որում, նա հայտարարել է, որ չիրացված վնասներով կամ չապահովագրված ավանդատուներով այլ հաստատություններ դեռ կարող են վտանգի տակ լինել:
ԱՄՆ Դաշնային պահուստային համակարգը (ԴՊՀ) հիմնադրամ է ստեղծել՝ իրացվելիության խնդիրներ ունեցող հաստատություններին կանխիկ դրամի հասանելիություն ապահովելու համար։ Ֆինանսների նախարարությունը աջակցել է ծրագրին 25 միլիարդ դոլարով եւ խոստացել է, որ SVB-ում եւ Signature-ում ավելի քան 250000 դոլար ունեցող ներդրողները լիարժեք հասանելիություն կունենան իրենց միջոցներին:
Սակայն Moody's-ը հայտարարել է, որ մտահոգությունները դեռեւս պահպանվում են:
Չնայած վարկանիշի իջեցմանը, բանկային բաժնետոմսերը կտրուկ բարձրացել են: Առավոտյան սակարկումների ընթացքում SPDR Bank բորսային հիմնադրամն աճել է գրեթե 6,5%-ով: Հիմնական ինդեքսները նույնպես բարձրացել են՝ Դոու Ջոնսի արդյունաբերական ինդեքսն աճել է մոտ 450 կետով կամ 1,4%-ով։
Երկուշաբթի օրը Moody's-ը նվազեցրեց Signature Bank-ի վարկանիշը եւ հայտարարել, որ կհեռացնի բոլոր վարկանիշները: Նա հնարավոր իջեցումների համար վերանայման է դրել հետեւյալ հաստատությունները՝ First Republic, Intrust Financial, UMB, Zions Bancorp, Western Alliance եւ Comerica:
Գործակալությունը նշել է, որ ցածր տոկոսադրույքների երկար ժամանակաշրջանը, որը զուգորդվում է կորոնավիրուսային համաճարակի հետ կապված հարկաբյուջետային եւ դրամավարկային խթանների հետ, բարդացրել է բանկերի աշխատանքը։
Օրինակ, SVB-ն երկարաժամկետ մարման գանձապետական պարտատոմսերի շուրջ 16 միլիարդ դոլարի չիրացված վնաս է կրել։ Եկամտաբերության աճը հանգեցրել է այս պարտատոմսերի հիմնական արժեքի եւ իրացվելիության խնդիրներ է ստեղծել բանկի համար, որը երկար ժամանակ սիրելի է եղել տեխնոլոգիական ներդրողների համար, որոնք չեն կարողացել ֆինանսավորում ստանալ ավանդական հաստատություններից: SVB-ն ստիպված է եղել վնասով վաճառել այդ պարտատոմսերը՝ իր պարտավորությունները կատարելու համար։
Դրույքները բարձրացել են, քանի որ Դաշնային պահուստային համակարգը պայքարում էր գնաճի դեմ, որը գները հասցրել է իրենց ամենաբարձր մակարդակին վերջին ավելի քան 40 տարվա ընթացքում: Moody's-ը նշել է, թե ակնկալում է, որ ԴՊՀ-ն կշարունակի բարձրացնել տոկոսադրույքները:
Ընկերությունը հայտնել է, թե սպասում է, որ ԱՄՆ տնտեսությունն այս տարվա վերջին կհայտնվի ռեցեսիայի մեջ, ինչը լրացուցիչ ճնշում կգործադրի ոլորտի վրա:
