նախընտրելի դարձնել«Զբաղվածության պետական ծառայություն» գործակալությունը Ինֆորմացիոն Տեխնոլոգիաների Ձեռնարկությունների Միության հետ համատեղ` DigiTec 2011թ. Տեխնոլոգիական միջազգային ցուցահանդեսին զուգահեռ, հոկտեմբերի 7-ին, կազմակերպում է ինֆորմացիոն տեխնոլոգիաների ոլորտի աշխատանքի տոնավաճառ:
Գործակալությունից NEWS.am-ին հայտնում են, որ կազմակերպվող միջոցառումը նպատակ ունի աջակցել գործատուներին իրենց պահանջներին համապատասխան մասնագետներ, իսկ աշխատանք փնտրողներին` նշված ոլորտում աշխատանք գտնելու հարցերում:
Այս աշխատանքի տոնավաճառը 2011թ-ի ընթացքում պետական բյուջեի ֆինանսավորմամբ նախատեսված տոնավաճառներից 6-րդն է, որին մասնակցելու հայտ են ներկայացրել շուրջ 55 գործատու, նախատեսվում է, որ տոնավաճառին կներկայացվի շուրջ 210 առկա եւ 100 կանխատեսվող թափուր աշխատատեղ: Կանխատեսվում է, որ տոնավաճառին կմասնակցի շուրջ 7000 աշխատանք փնտրող:
Աշխատանքի տոնավաճառը լայն հնարավորություն կընձեռի աշխատանք փնտրողներին` տեղեկանալու տեղեկատվական տեխնոլոգիաների վերջին ձեռքբերումներին, ծանոթանալու ՏՀՏ ոլորտի այսօրվա եւ վաղվա պահանջված մասնագիտություններին, ինչպես նաեւ ընդգրկվելու ՏՀՏ ոլոտի կրթական ծրագրերում:
2009թ.-ի ընթացքում աշխատանքի տոնավաճառներ են կազմակերպվել Վանաձորում, Արտաշատում, Գյումրիում, Դիլիջանում, Հրազդանում եւ Կապանում, որոնց մասնակցել է 218 գործատու եւ շուրջ 10750 աշխատանք փնտրող: Տոնավաճառներին ներկայացվել է 1363 առկա թափուր եւ 2104 սպասվող աշխատատեղեր: Արդյունքում շուրջ 430 աշխատանք փնտրող տեղավորվել է աշխատանքի:
Նշենք, որ պաշտոնապես գրանցված գործազրկության միջին ամսական մակարդակը հանրապետությունում 2011 թ. օգոստոսին տարեսկզբի նկատմամբ նվազել է 0.5 %-ով եւ կազմում է 6.5%:
2011թ.-ի սեպտեմբերի 1-ի դրությամբ, աշխատանք փնտրողների թիվը կազմում է շուրջ 85.6 հազար, որը նախորդ տարվա նույն ժամանակահատվածի նկատմամբ նվազել է 15.5 %-ով (98.9հազ. մարդ), իսկ տարեսկզբի նկատմամբ 8.9 %-ով (93.2 հազ. մարդ): Գործազուրկների թվաքանակը կազմում է աշխատանք փնտրողների 84.2 %-ը կամ 72.1 հազար: Այս ցուցանիշը նախորդ տարվա նույն ժամանակահատվածի համեմատ նվազել է 14.6 %-ով (82.6 հազ. մարդ), իսկ տարեսկզբի նկատմամբ` 8.5 %-ով (78.8 հազ. մարդ): Շարունակում է բարձր մնալ գործազուրկ կանանց թիվը, որը կազմում է գործազուրկների թվի 70.5%-ը, կամ 50.8 հազ. մարդ:
Սեպտեմբերի 1-ի դրությամբ գործազրկության նպաստի ստացման իրավունք ունի 17338 գործազուրկ, որոնց թիվը նախորդ տարվա նույն ժամանակահատվածի համեմատ նվազել է 32.5 %-ով (22975 մարդ), իսկ տարեսկզբի նկատմամբ ` 9.8 %-ով (19030 մարդ):
Տարեսկզբից աշխատանքի է տեղավորվել 7367 աշխատանք փնտրող: Աշխատանքի տեղավորվածներից 1961-ը երիտասարդներ են
