նախընտրելի դարձնելՄիացյալ Նահանգները միշտ կարծել է եւ կարծում է, որ Վրաստանը արժանի է ՆԱՏՕ-ում տեղ ունենալու եւ ՆԱՏՕ-ի անդամ պետությունները պետք է աջակցեն Վրաստանին այդ հարցում: Այս մասին հայտարարել է միջազգային հարցերով փորձագետ Իրակլի Մենաղարիշվիլին, գրում է վրացական «Մեդիանյուզ» գործակալությունը:
Փորձագետի խոսքով, ՆԱՏՕ-ի անդամ դառնալու համար, Վրաստանին այնքան տարի կպահանջվի, որքան որ պահանջվի Վրաստանի քաղաքական եւ անվտանգության համակարգի բարեփոխումները ավարտին հասցնելու համար, ինչը անպայման անհրաժեշտ է ՆԱՏՕ ներխուժելու համար:
«Իհարկե, բարեփոխումների իրականացման տեմպը կախված է կառավարության քաղաքական կամքից: ՆԱՏՕ-Վրաստան հանձնաժողովի վերջին նիստի ժամանակ հայտարարվել է, որ այդ առումով շատ բան է իրականացվել եւ Վրաստանը հաջողություններ ունի, սակայն անելիք դեռ շատ կա»,- նշել է փորձագետը:
Հիշեցնենք, որ Չիկագոյի 2012 թ. վեհաժողովի ժամանակ, ՆԱՏՕ-ում ԱՄՆ պատվիրակության ղեկավար Մայք Թերները հայտարարել էր, թե ԱՄՆ-ը աջակցում է ՆԱՏՕ-ին Վրաստանի անդամակցության գաղափարին:
