նախընտրելի դարձնելԵրեւանում, այսօր` հոկտեմբերի 19-ին, ժամը 00.30-ի սահմաններում, Դավիթաշենի 4-րդ թաղամասի թիվ 34 շենքի մոտ գտնվող ավտոտնակի պատին է բախվել «Սամանդ» մակնիշի մի ավտոմեքենա:
Ոստիկանության մամուլի ծառայությունից NEWS.am-ին հայտնում են, որ վարորդը մարմնական վնասվածքներով տեղափոխվել է հիվանդանոց:
Հոկտեմբերի 18-ին, ժամը 16.00-ի սահմաններում, անհայտ ավտոմեքենան Կոմիտասի պողոտայի եւ Վաղարշյան փողոցի խաչմերուկում բախվել է «Մոսկվիչ 2141» մակնիշի ավտոմեքենայի:
«Մոսկվիչ»-ի վարորդը մարմնական վնասվածքներով տեղափոխվել է հիվանդանոց:
Նույն օրը, ժամը 09.40-ի սահմաններում, Գյուրջյան փողոցի եւ Նոր Նորքի խճուղու խաչմերուկում էլեկտրասյանն է բախվել «Շեվրոլե-Բյազեր» մակնիշի ավտոմեքենա:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
