նախընտրելի դարձնելԹուրքիայի վարչապետ Ռեջեփ Թայիփ Էրդողանը հոկտեմբերի 23–ի ուշ երեկոյան ուղղաթիռով այցելել է Վան եւ Արճեշ։
Թուրքական Zaman-ի փոխանցմամբ՝ Թուրքիայի վարչապետը տեղում է ծանոթացել իրականացվող փրկարարական աշխատանքներին։ Էրդողանը նաեւ շրջել է փողոցներով եւ զրուցել քաղաքացիների հետ։
Թուրքիայի վարչապետին ուղեկցել են Ներքին գործերի նախարարը, Հեռահաղորդակցության նախարարն ու իշխող «Արդարություն եւ զարգացում» կուսակցության փոխնախագահը։
Ինչպես ավելի վաղ հաղորդել էր NEWS.am-ը, այսօր` հոկտեմբերի 23 -ին Թուրքիայում 7,2 մագնիտուդով հզոր երկրաշարժ է տեղի ունեցել: Էպիկենտրոնը գտնվել է Վանից 38 կմ հյուսիս-արեւելք: Ստորերկրյա ցնցումների ուժգնությունը կազմել է 9-10 բալ: Հիպոկենտրոնը գտնվել է 10 կմ խորության վրա:
Ցնցումներն առաջացրել են ավերածություններ, էկեկտրաէներգիայի եւ բջջային կապի խափանումներ:
