նախընտրելի դարձնել
Հորդանանի թագուհի Ռանիա Ալ Աբդուլլահը կոչ է արել դադարեցնել ՀԱՄԱՍ-ի դեմ Իսրայելի պատերազմը՝ ասելով, որ պաղեստինցիների կյանքին աջակցությունը հավասազոր չէ հակասեմականությանը կամ ահաբեկչությանն աջակցությանը։
«Թույլ տվեք շատ պարզ ասել։ Պաղեստինցիների կողմնակից լինելը չի նշանակում հակասեմական լինել, պաղեստինամետ լինելը չի նշանակում լինել ՀԱՄԱՍ-ի կամ ահաբեկչության կողմնակից», - ասել է Ռանիան՝ կիրակի օրը CNN-ին տված հարցազրույցում:
«Վերջին տարիներին մենք տեսնում ենք, որ հակասեմականության մեղադրանքն օգտագործվում է Իսրայելի հասցեին ցանկացած քննադատություն լռեցնելու համար», - ավելացրել է նա: «Ես ուզում եմ բացարձակապես և ամբողջ սրտով դատապարտել հակասեմականությունը և իսլամաֆոբիան, բայց նաև ուզում եմ հիշեցնել բոլորին, որ Իսրայելը չի ներկայացնում ամբողջ աշխարհի հրեա ժողովրդին։ Իսրայելը պետություն է և միայն նա է պատասխանատվություն կրում իր հանցագործությունների համար»։
Միևնույն ժամանակ, Ռանիան նշել է, որ Իսրայելի հայտարարությունը, թե նա փորձում է պաշտպանել խաղաղ բնակիչներին, «վիրավորանք է բանականությանը»։
