նախընտրելի դարձնելԱյսօր` հոկտեմբերի 27-ին, Կառավարության նիստի օրը, ոստիկանությունը որոշել է փակել կառավարության շենքի առջեւ գտնվող հրապարակը:
Անգամ անցորդներին արգելում են հրապարակով անցնել, իսկ լրագրողներին էլ թողնում են հենց փողոցում, հաղորդում է NEWS.am-ի թղթակիցը:
Սա ըստ երեւույթին կատարվում է այն նպատակով, որպեսզի բողոքի ակցիաներ հնարավոր չլինի անցկացնել կառավարության շենքի դիմաց:
Մասնավորապես, կառավարության շենքի դիմաց բողոքի ակցիաներ են իրականացնում բանակում խաղաղ պայմաններում զոհված զինվորների հարազատները, «Բանակն իրականում» նախաձեռնությունը, բնապահպանական կազմակերպությունները եւ այլ սոցիալական շարժումները:
Առայժմ որեւէ բացատրություն կառավարության ներկայացուցիչներից կամ ոստիկանությունից չի հաջողվում ստանալ, թե ինչու են անվտանգության նման խիստ միջոցառումներ անցկացվում:
Նշենք, որ այս պահին կառավարության շենքի մոտ բողոքի ակցիաների մասնակիցներ դեռ չկան:
