Եկող տարվա հունվարից Քենիան կչեղարկի բոլոր այցելուների վիզաները, ասել է երկրի նախագահ Ուիլյամ Ռուտոն։

Նրա խոսքով՝ կառավարությունը մշակել է թվային պլատֆորմ, որպեսզի երաշխավորի, որ բոլոր այցելուները նախապես կստանան էլեկտրոնային թույլտվություն երկիր ուղեւորվելու համար։ Ոչ ոք Քենիա այցելելու համար վիզա ստանալու կարիք չի ունենա, ասել է նախագահը Նայրոբիում, Բրիտանիայից անկախանալու 60-ամյակի առիթով։

Տուրիզմը կենսականորեն կարեւոր դեր է խաղում Քենիայի տնտեսությունում՝ առաջարկելով հանգիստ Հնդկական օվկիանոսի ափին եւ սաֆարի վայրի բնության գրկում։ «Քենիան մարդկությանը դիմում է պարզ ուղերձով՝ բարի գալուստ տուն»,- ասել է նա։