Լեհաստանի նոր վարչապետ Դոնալդ Տուսկը երդում է տվել։ Երդմնակալության արարողությունը տեղի է ունեցել Վարշավայի նախագահական պալատում։

Սա նշանավորում է «Իրավունք եւ արդարություն» ազգային պահպանողական կուսակցության ութ բուռն տարիների ավարտը։ Կառավարության փոխարինումը հաջորդել է հոկտեմբերի 15-ին կայացած համազգային ընտրություններին, որոնցում հաղթել է այն կուսակցությունների խումբը, որն առաջադրվել էր առանձին ցուցակներով՝ խոստանալով միասին աշխատել Տուսկի ղեկավարությամբ՝ վերականգնելու համար դեմոկրատական նորմերը եւ համագործակցությունը դաշնակիցների հետ։

Տուսկի կառավարությունը վստահության քվեն շահել է խորհրդարանում երեքշաբթի երեկոյան, երդմնակալության ելույթից հետո, որում խոստացել է պահանջել, որպեսզի Արեւմուտքը շարունակի աջակցել Ուկրաինային։