նախընտրելի դարձնել
Աշխարհում առաջին զանգվածային արտադրության տոնածառերից մեկը, որը 1920 թվականին գնվել է 6 պենսով, աճուրդում վաճառվել է ավելի քան 3400 ֆունտ ստեռլինգով, գրում է The Guardian-ը։
Աճուրդավարն այն անվանել է «աշխարհի ամենահամեստ տոնածառը»․ դրա բարձրությունը 79 սմ է, ունի 25 ճյուղ, 12 հատապտուղ և վեց փոքրիկ մոմակալ:
Ծառը ամրացված է, կարմիր ներկված, պարզ դեկորատիվ տարբերանշանով փոքր փայտե հիմքի վրա:
Տոնածառը 1920 թվականին գնել է ութամյա Դորոթի Գրանտի ընտանիքը։ Այն ծառայել է Դորոթիին մինչև նրա մահը՝ 101 տարեկան հասակում։ 2014 թվականին Գրանտի մահից հետո տոնածառը փոխանցվել է նրա դստերը՝ 84-ամյա Շիրլի Հոլին։
Ակնկալվում էր, որ այն կվաճառվեր 60-ից 80 ֆունտ ստեռլինգով, բայց ուրբաթ օրը Hansons աճուրդում վաճառվեց 3411 ֆունտ ստեռլինգով:
