նախընտրելի դարձնելՄԱԿ-ում Հայաստանի մշտական ներկայացուցիչ Կարեն Նազարյանը, հոկտեմբերի 28-ին, Հայաստանի անունից ստորագրել է «Դեպի ծով ելք չունեցող զարգացող երկրների հիմնահարցերով զբաղվող վերլուծական կենտրոն հիմնելու մասին» բազմակողմ համաձայնագիրը: Այն նախատեսվում է ստեղծել վերլուծական կենտրոն դեպի ծով ելք չունեցող երկրների` միջազգային առեւտրին առավել ակտիվ ներգրավվելու հնարավորությունների ուսումնասիրումը, նրանց առջեւ ծառացած խնդիրների քննարկման ու դրանց լուծման համար անհրաժեշտ ֆինանսական ու տեխնիկական աջակցություն տրամադրելու գործընթացներին նպաստումը ՄԱԿ-ի հետ շարունակական համագործակցության միջոցով:
Նշենք, որ նախապես ՄԱԿ-ի Գլխավոր ասամբլեան ընդունել էր բանաձեւ, որով ողջունում էր միջազգային վերլուծական կենտրոն ստեղծելու գաղափարը:
