նախընտրելի դարձնելԵրեւանում, նոյեմբերի 14-ին, ժամը 06.05-ին, հիվանդանոցից ոստիկանության Արաբկիրի բաժնում հաղորդում է ստացվել, որ շմոլ գազի թունավորումով իրենց մոտ բուժօգնության են տեղափոխվել Երեւան քաղաքի երկու բնակիչ՝ 19-ամյա Արծվիկ եւ 14-ամյա Արսեն Կարապետյանները:
Ոստիկանության մամուլի ծառայությունից NEWS.am-ին հայտնում են, որ ըստ բժշկի բանավոր հայտարարության` Կարապետյանների առողջական վիճակը կայուն է:
Հանգամանքները պարզվում են:
Շմոլ գազից թունավորման դեպք է գրանցվել նաեւ Մարտունիում: Նոյեմբերի 15-ին, ժամը 02.40-ին, ոստիկանության Մարտունիի բաժնում հիվանդանոցից հաղորդում է ստացվել, որ շմոլ գազից թունավորված վիճակում իրենց մոտ են տեղափոխվել Վերին Գետաշեն գյուղի 2 բնակչուհի:
Պարզվել է, որ նրանք թունավորվել են նոյեմբերի 14-ին, ժամը 19.00-ի սահմաններում, տանը խոհանոցի ջրատաքացուցիչից արտանետված շմոլ գազի հետեւանքով:
Կատարվում է հետաքննություն:
