նախընտրելի դարձնել
Հնագետները եւ Մեծ Բրիտանիայում պեղումների հին հռոմեական տեղամասում կամավոր պեղումներ կատարողները հայտնաբերել են հանելուկային մանուշակագույն գունդ։
Պարզվել է, որ դա «անհավանական հազվադեպ» նյութ է, որը մի ժամանակ ոսկուց թանկ է արժեցել, գրել է Miami Herald-ը։
Պեղումները կառավարող Wardell Armstrong ընկերության ներկայացուցիչների խոսքով՝ գունդը հայտնաբերվել է 1700-ամյա հռոմեական բաղնիսի ջրափողում, Քարլայլի կրիկետի ակումբի տարածքում։
Հնագետները գտածոն ուղարկել են լաբորատորիա՝ հետագա վերլուծության համար։
Վերլուծությունը ցույց է տվել, որ դա Տիրիայի ծիրանագույն ներկանյութի հազվադեպ կտոր է, որը հայտնի է նաեւ որպես կայսերական ծիրանի։
«Հազարամյակներ շարունակ Տիրիայի ծիրանին ամենաթանկ եւ պահանջված գույնն է եղել աշխարհում»,- ասել է նախագծի առաջատար հնագետ Ֆրենկ Ջիկոն։
