Չորեքշաբթի օրը Նյու Յորքի Ջոն Քենեդու անվան միջազգային օդանավակայանի տերմինալներից մեկը  շարժասանդուղքի բռնկման պատճառով կարճատև տարհանվել է, հայտնում է AP-ն։

Հրդեհը գրանցվել է Քենեդու օդանավակայանի 8-րդ տերմինալում՝ տեղական ժամանակով առավոտյան ժամը 7-ի սահմաններում, հայտնել են Նյու Յորքի հրշեջ ծառայության աշխատակիցները: Զոհերի մասին տեղեկություններ չկան։

Նյու Յորքի և Նյու Ջերսիի նավահանգստային վարչության ներկայացուցիչը հայտնել է, որ տերմինալի աշխատանքը վերսկսվել է տեղական ժամանակով ժամը 08:15-ին, և հրդեհի պատճառները հետաքննվում են: