ԱՄՆ նախկին նախագահ Դոնալդ Թրամփը հուլիսի 29-ին հայտարարել է, որ պատրաստ է նախընտրական հեռուստաբանավեճի փոխնախագահ Քամալա Հարիսի հետ։

«Հավանաբար բանավեճ կլինի, ուստի պատասխանը դրական է, բայց ես կարող եմ դրա դեմ նաև հակափաստարկներ բերել», - Fox News-ին տված հարցազրույցում ասել է Թրամփը:

Նա միաժամանակ Քաալա Հարիսին «արմատական ​​ձախակողմյան խելագար» է անվանել:  «Նա կկործանի մեր երկիրը»,- հավելել է ԱՄՆ նախկին նախագահը։

Ավելի վաղ Թրամփի նախընտրական շտաբը հայտարարել էր, որ Հարիսի հետ հանրապետականների բանավեճի մանրամասները չեն կարող վերջնական տեսքի բերել, քանի դեռ Դեմոկրատական ​​կուսակցությունը նախագահի իր թեկնածուին պաշտոնապես չի որոշել։