Ռուս զինվորականները 24 ժամվա ընթացքում խոցել են Patriot զենիթահրթիռային համակարգի երեք արձակման կայան, ուկրաինացի զինվորականներ և զինամթերք տեղափոխող գնացքներ, հայտնում է ՌԴ ՊՆ-ն։

«Օպերատիվ-տակտիկական ավիացիան, անօդաչու թռչող սարքերը, հրթիռային ուժերը և ՌԴ ԶՈւ զորքերի խմբավորումների հրետանին խոցել են ԱՄՆ-ի արտադրության Patriot զենիթահրթիռային համակարգի երեք արձակման կայաններ, անօդաչու թռչող սարքերի կառավարման կենտրոն և երկաթուղային գնացքներ, անձնակազմ եւ զինամթերք»,- հայտնել են ՌԴ ՊՆ-ից։

Գերատեսչության տվյալներով՝ հարձակումներ են իրականացվել նաև ուկրաինական զինված ուժերի կենդանի ուժի և ռազմական տեխնիկայի կենտրոնացվածության վրա 147 շրջաններում, փոխանցում է «Ինտերֆաքս»-ը։