Արակուի պատմությունը (ֆոտո)

2017թ. Փարիզում «Արակու» սրճարանի բացումը նշանավորեց Հնդկաստանի հայտնվելը մասնագիտացված սուրճի համաշխարհային քարտեզի վրա: Հնդկաստանն այստեղ է հայտնվել Անդհրա Պրադեշ և Օդիշա նահանգներին սահմանակից այս հարուստ կենսաբազմազանություն ունեցող շրջանի՝ Արակու հովտի տոհմային ֆերմերների շնորհիվ:

Արակու սուրճի պատմությունը սկսվում է 2000թ.-ից, երբ Նաանդի հիմնադրամը սկսեց շփվել տեղի համայնքի հետ: Գիտակցելով տոհմային համայնքների եզակի մշակութային և պատմական ժառանգության կարևորությունը՝ Նաանդի հիմնադրամը կենտրոնացավ նրանց մշակույթի և ապրած միջավայրի ավելի խորը ուսումնասիրության վրա: Տոհմային ֆերմերները, որոնք ապավինում էին ավանդական հերթափոխային մշակությանը, սկսեցին կամաց-կամաց ծանոթանալ վերականգնողական գյուղատնտեսության պրակտիկաներին: 2005թ. այս ֆերմերներն սկսեցին աշխատել Նաանդի հիմնադրամի հետ՝ իրենց սուրճի բերքն աճեցնելու և որակը բարելավելու ուղղությամբ: Սուրճի պլանտացիան ոչ միայն ավելի լավ եկամուտ է ապահովում, այլև օգնում է անտառապատմանը, քանի որ թուփն աճում է ստվերում: Այն շուրջտարի աշխատանք է ապահովում տեղի բնակիչների և նրանց ընտանիքի անդամների համար:

Ողջ հովիտը ականատես եղավ մեծ շրջադարձի ընդամենը 10-15 տարվա կարճ ժամանակահատվածում: Այժմ այն կարող է պարծենալ, որ ունի աշխարհի խոշորագույն տոհմային օրգանական սուրճի ֆերմերների կոոպերատիվներ, զանգվածային ամենամյա անտառային փառատոններ, որոնց արդյունքում տնկվել է 49 միլիոն ծառ, համաշխարհային կարգի օրգանական սուրճի ապրանքանիշ՝ Փարիզում առաջատար խանութով, և ապրանքի արտահանում ավելի քան 12 երկիր: Տոհմային ֆերմերներն ու նրանց ընտանիքներն այժմ զբաղվում են սուրճի և պղպեղի բիզնեսով, ոմանք ունեն իրենց սեփական այգիները: Նրանք նաև աճեցնում են բրինձ, ընդավորներ և կորեկ՝ օգտագործելով օրգանական վերականգնող գյուղատնտեսություն, և հանդիսանում են տնտեսական և էկոլոգիական անվտանգությունն ապահովող մոդելի արդյունավետության կենդանի վկան: Արակուն վկայում է ժողովրդավարության ուժի մասին՝ ի դեմս տոհմային ֆերմերների կոոպերատիվի, որն ունի ավելի քան 40,000 անդամ, պարբերաբար անցկացնում է ժողովրդավարական ընտրություններ և ունի գործադիր մարմին, որտեղ 50% կանայք են:

Արակուն օրինակ է այն բանի, թե ինչպես կարելի է գլոբալիզացիան օգտագործել աշխարհի հեռավոր անկյունում գտնվող ամենափոքր ֆերմերին օգուտ բերելու համար՝ եվրոպական ընկերությունների կողմից ներդրված ֆինանսավորման նորարարական մոդելեր, սուրճի միջազգային փորձագետներ, որոնք հաճախում են հովիտ՝ աջակցելու համաշխարհային մակարդակի սուրճի 19 քայլերի ընդունմանը, առաջատար խանութ Փարիզում և մի շարք գուրման գործընկեր խանութներ Փարիզում, որոնք վաճառում են այստեղ աճեցված պրեմիում մասնագիտացված սուրճը: Փարիզի հաջողություններով պայմանավորված՝ 2021թ. Հնդկաստանի Բենգալուրու քաղաքում մեծ ձևաչափով բացվեց իր տեսակի մեջ առաջին «Արակու» սրճարանը: Այն ոչ միայն մատուցում է լավագույն սուրճն ու սնունդը, այլև դարձել է ինտերակտիվ մշակութային տարածք՝ տարածելու նոր սննդի տեսլականը՝ առաջնորդվելով Arakunomics-ի կողմից: Բրենդային սուրճի սարքավորումները, որոնք առաջացել են նորվեգական Anderssen & Voll դիզայներական դուետի հետ նշանակալից համագործակցության արդյունքում, որն իր տեսակի մեջ առաջինն է հնդկական սուրճի համար, սկզբում գործարկվել է Ֆրանսիայում, այնուհետև Հնդկաստանում 2018թ.: Արակուն ռեստորան բացեց Հարավային Մումբայում:

Արակու սուրճն այժմ պրեմիում կարգի շքեղ սոցիալական ձեռնարկություն է՝ բարձր սոցիալ-տնտեսական և էկոլոգիական ազդեցությամբ, որը ցույց է տվել, թե ինչպես կարող է Հնդկաստանը գերազանցության հասնել գլոբալ արժեքների ողջ շղթայում՝ հողից մինչև փայլաթիթեղ: Նաանդիի թիմի համար հպարտություն է, որ Արակու սուրճը ներառվել է Հնդկաստանի կառավարության թանկարժեք նվերների զամբյուղում, որը նվիրվել է 2023թ. G20 գագաթնաժողովի ժամանակ այցելած պետությունների ղեկավարներին:

«Gems of Araku»-ն (Արակուի Թանկարժեք Քարերը) բերքի ամենամյա փառատոն է, որը տոնում է սեզոնի մասնագիտացված սուրճի միկրո- խմբաքանակները և փառաբանում է Արակուի գյուղացիական տնտեսություններին ու ֆերմերներին՝ համաշխարհային մակարդակի այս սուրճի ստեղծման գործում իրենց ներդրման համար: Միջոցառումը համախմբում է ավելի քան 20,000 ֆերմերային ընտանիքներ և սուրճի փորձագետներ ամբողջ աշխարհից՝ բացահայտելու այս արտասովոր սուրճի խմբաքանակները: Յուրաքանչյուր սեզոնի ավելի քան 1800 միկրո-խմբաքանակներ խիստ գնահատման են ենթարկվում պրոֆեսիոնալ սուրճի համտեսողների կողմից՝ ըստ համտեսի միջազգային արձանագրությունների:

2009թ.-ից ի վեր միջոցառումն օգնել է միավորել ավելի քան 40 բաղձալի միջազգային ժյուրիների և Արակուի ֆերմերների՝ սուրճի կատարյալ որակի համար: Այս խթանող փոխազդեցություններն օգնել են ներառել լավագույն ֆերմերային և վերամշակման պրակտիկաները և բարձրացնել սուրճը միջազգային չափանիշների` տարեցտարի բարելավելով հատիկների որակը:

Գերազանցության ձգտելով՝ Արակուի ֆերմերները շարունակաբար կրթվում են, մշակում են իրենց սուրճի տերուարները՝ բարելավելու սուրճի թփի առողջությունը, ստեղծելու հողի օրգանական ածխածին և Արակու սուրճի լանդշաֆտը վերականգնելու համար: Եվ արդյունքն արդեն զգացվում է բաժակում: Մինչ հողերը հարստանում են, իսկ սուրճի համը դառնում է ավելի հագեցած, «Gems of Araku»-ն, որն արդեն թվով 16-րդն է, գլխավորում է լավագույն միկրո-լոտերի վարկանիշը և գրավում է 100-ից 94-րդ տեղը՝ ըստ պրոֆեսիոնալ համտեսողների:

Միջազգային ճանաչում ստացած «Gems of Araku»-ն այժմ հասել է ավելի քան 42 երկիր, այդ թվում՝ Կորեա, Ճապոնիա, Ֆրանսիա, Մեծ Բրիտանիա, Գերմանիա և ԱՄՆ: Միջոցառումն օգնել է զարգացնել հնդկական ծագման միջազգային սուրճի ապրանքանիշը, որն արտադրվում է Արակուի փոքր և մարգինալ տոհմային ֆերմերային ընտանիքների կողմից՝ այն հասցնելով համաշխարհային գնորդին և սպառողին:

Այս կենսաբազմազան, ածխածնով հագեցած, հարստություն ստեղծող գյուղատնտեսության մոդելը, որը Նաանդիի կողմից նոր անուն է ստացել՝ Arakunomics, Ռոքֆելլեր հիմնադրամի կողմից 2020թ. արժանացել է Սննդի Համակարգի Տեսլականի մրցանակին, իսկ 2023թ. Սննդի Տեխնոլոգիաների Ինստիտուտի կողմից՝ «Seeding the Future» (Սերմանելով ապագան) մրցանակի: Այն այժմ կրկնօրինակվում է Հնդկաստանի այլ՝ բարդ ագրարային տարածքներում, ինչպիսիք են Մահարաշտրա նահանգի Վիդարբհա շրջանը, Փենջաբում ստորերկրյա ջրով սպառված թաղամասերը և հյուսիսային Ուտար Պրադեշի մոռացված սահմանային շրջանները:

Արակու սուրճի հաջորդ կանգառը կարող է լինել Հյուսիսային Ամերիկան կամ Մերձավոր Արևելքը:

Սա պատմություն է Հնդկաստանի վերելքի՝ «Ինքնաապահովվող Հնդկաստան»-ի ևս մի պատմություն:

Ռոհինի Մուքհերջի