նախընտրելի դարձնել
Մենք պատրաստվում ենք նոր պիլոտային ծրագիր գործարկել, որը նախատեսում է հաշմանդամություն ունեցող երեխաների համար ծառայությունների մատուցում տանը։ Այս մասին «Ճանապարհ դեպի սոցիալական արդարություն. արժանապատիվ աշխատանք» միջազգային կոնֆերանսում նոյեմբերի 5-ին ասել է աշխատանքի եւ սոցիալական հարցերի նախարար Նարեկ Մկրտչյանը։
Նա տեղեկացրել է, որ Հայաստանում ապրում է ավելի քան 660 հազար երեխա։
«Եթե նախկինում շեշտը երեխաների իրավունքների պաշտպանության ոլորտում դրվում էր երեխաների վրա, որոնք հայտնվել են բարդ կենսական իրավիճակում, ապա այսօր ուշադրություն ենք դարձնում բոլոր խմբերի երեխաների վրա։ Մենք դա համարում ենք մարդկային կապիտալի զարգացման կարեւոր պայման։
Ժողովրդագրության ոլորտի կայուն զարգացման համար անհրաժեշտ է հասնել բարեկեցության ընտանիքներում։ Մենք մշակել ենք տասնյակ նախագծեր, որոնք կիրականացվեն առաջիկա տարիներին։
Անհրաժեշտ է շեշտադրել ոչ թե մանկատների քանակի ավելացումը, այլ այն ծառայությունների ընդլայնումը, որոնք թույլ կտան ապահովել, որ երեխաներն ապրեն ընտանիքներում»,- ավելացրել է Մկրտչյանը։
